Mommy Mahal Kita!

Mahal kong anak,

Yena kong mahal, hindi mo lang alam kung gaano mo ako pinapasaya sa tuwing sinasabi mong 'mommy mahal kita, miss kita!' tuwing darating ako galing trabaho. Pilit kong hinahanda ang sarili ko sa lahat ng bagay pero sa biglang pagsabi mo sa akin ng mga salitang yun kagabi, hindi pala ako magiging handa EVER! Napakasarap sa pakiramdam anak! Tulad ngayon habang tumitipa ako ng sulat kong ito, nasa likuran kita at yakap yakap mo ako paulit ulit na sinasabing mahal mo ako at namiss. Tinatawag mo ko at nagkukwento ng kung anu ano sori kung ang atensyon ko ay sa pagsusulat ngayon. Gusto ko lang magpasalamat sa Diyos na binigay ka sa akin, sa amin ng daddy mo. Araw araw nagmamadali akong umuwi para lang makasama ka na. Marinig ang kadaldalan mo, mayakap ka at mahagkan at di na pakawalan pa.

Ayan naiiyak na ang mommy. Basta paglaki mo at nababasa mo na 'to tandaan mo lagi kung gano kita mahal anak. Sobra sobra. Higit pa sa buhay ko. O yan magbasa na tayo ng libro mo! Wag mo ko tanungin kung bakit ako umiiyak ok? Di ko sasabihin! ^_^

O eto nga pala ang picture niyo ni Ate Eya mo nung nakaraang gabing pose ka ng pose! Maarte ka anak tulad ko... hahahah.

Love,
Mommy

PS:
Yena anak tandaan mo... mahal na mahal rin kita!